Авакаў: У ходзе антытэрарыстычнай аперацыі загінулі больш за 30 тэрарыстаў і 4 сілавікі
У ходзе антытэрарыстычнай аперацыі загінула 4 сілавікі, а з тэрарыстаў, па падліках міліцыі, загінулі больш за 30 чалавек.
Пра гэта напісаў міністр унутраных спраў Арсен Авакаў у каментарах у сваім Facebook.
«Сёння нашы страты — 4 байцы і 20 параненых. Па нашай ацэнцы, у тэрарыстаў страты за 30 чалавек. Параненых дзясяткі», — паведаміў ён.
Паводле яго слоў, у Славянску «вельмі многія крымчане, сустракаюцца і рускія», у панядзелак «былі і чачэнцы».
Авакаў сказаў, што «украінскія вайскоўцы не могуць страляць па мірным насельніцтве».
«Гэтым абмежаваннем актыўна карыстаецца вораг. Вораг за яго хаваецца і страляе адтуль…», — напісаў кіраўнік МУС.
«У нас войска развальвалі метадычна. У нас няма адэкватных спецпадраздзяленняў. Тое, што зараз адбываецца, гэтая баявая згуртаванасць, — першая за шмат гадоў. Мы бачым, хто ёсць хто. Хто імітатар, хто адмаўляецца, хто гуляе. А хто не баіцца. зразумейце і дапамагайце», — дадаў ён.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары