У Маскве 16 мая адбыўся чарговы раўнд беларуска-расійскіх кансультацый паміж МЗС па пытаннях узаемадзеяння дзвюх краін па лініі АБСЕ і Савета Еўропы. Як паведамляе прэс-служба МЗС Беларусі, мерапрыемства прайшло ў межах рэалізацыі праграмы ўзгодненых дзеянняў знешнепалітычных ведамстваў Беларусі і Расіі.
Беларускую дэлегацыю на кансультацыях узначаліў начальнік упраўлення агульнаеўрапейскага супрацоўніцтва МЗС Дзяніс Сідарэнка, расійскую — дырэктар дэпартамента агульнаеўрапейскага супрацоўніцтва МЗС Іван Салтанаўскі.
«Падчас кансультацый бакі абмеркавалі становішча спраў у АБСЕ, у тым ліку развіццё працэсу «Хельсінкі плюс 40» і меры, што прымаюцца ў межах арганізацыі па садзейнічанні ўрэгуляванню крызісу ва Украіне. Была падкрэслена неабходнасць далейшага рэфармавання АБСЕ ў мэтах яе ўмацавання і павышэння эфектыўнасці», — зазначаецца ў паведамленні.
Быў таксама прадметна разгледжаны ўвесь комплекс пытанняў, што тычацца прыярытэтаў і перспектыў развіцця адносін дзвюх краін з Саветам Еўропы і яго Парламенцкай асамблеяй, паведамляе прэс-служба.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары