Да ўзроўню 2021 года: Пентагон абвясціў пра скарачэнне брыгад у Еўропе да трох
ЗША абвясцілі пра скарачэнне колькасці амерыканскіх баявых брыгадных груп у Еўропе — з чатырох да трох. Як растлумачыў прадстаўнік Пентагона Шон Парнэл у сацыяльнай сетцы X, такім чынам вайсковая прысутнасць вяртаецца да ўзроўню 2021 года.
«Такім чынам, колькасць гэтых груп у Еўропе вяртаецца да ўзроўню 2021 года. Рашэнне стала вынікам комплекснага шматузроўневага працэсу, засяроджанага на пераглядзе вайсковай прысутнасці ЗША ў Еўропе. З-за гэтага часова затрымліваецца разгортванне амерыканскіх сіл у Польшчы — узорным саюзніку ЗША», — гаворыцца ў заяве.
Парнэл падкрэсліў, што канчатковае размяшчэнне амерыканскіх войскаў у Еўропе будзе вызначана пасля дадатковага аналізу стратэгічных і аператыўных патрэбаў ЗША, а таксама гатоўнасці саюзнікаў браць на сябе большую адказнасць за абарону кантынента.
У Пентагоне падкрэслілі, што перагляд прысутнасці амерыканскіх сіл адпавядае палітыцы прэзідэнта ЗША Дональда Трампа «Амерыка перадусім».
Вашынгтон чакае, што краіны-члены НАТА будуць больш актыўна інвеставаць ва ўласную бяспеку і абарону Еўропы.
Каментары
Подстилает соломку путину.