У Беларусі могуць адпусціць закупачныя цэны на малако і мяса. Пра магчымасць такога кроку кіраўнік дзяржавы Аляксандр Лукашэнка заявіў 27 мая на нарадзе па праблемах кормавытворчасці і павышэння эфектыўнасці жывёлагадоўлі, паведамілі ў прэс-службе беларускага лідэра.
Лукашэнка адзначыў, што зараз прапануецца адпусціць закупачныя цэны на малако і мяса, каб перапрацоўчыя прадпрыемствы маглі ў краіне закупляць гэту прадукцыю ў любым месцы.
«Хутчэй за ўсё, мы на гэта пойдзем. І тады ўжо Дворнік з Косінцам і асабліва Шапіра (старшыні аблвыканкамаў) не скажуць: не, мяса я туды не павязу, таму што мне тут падаткаў не будзе», — заявіў кіраўнік дзяржавы.
«Таму канчайце з гэтай удзельшчынай. Канкурэнцыя — гэта святое», — дадаў Аляксандр Лукашэнка.
-
«Санта Брэмар» хоча адсудзіць правы на брэнд у вядомага расійскага вытворцы, якога прызналі экстрэмісцкім за падтрымку УСУ
-
Амерыканскаму ўласніку парку «Сула», выхадцу з Беларусі, прадалі будынкі былога яўрэйскага гета ў Навагрудку
-
Губернатар Прыморскага краю РФ расказаў, што там з будаўніцтвам беларускага порта
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч
Каментары