Дзяржаўны памежны камітэт Беларусі плануе ўвесці электронную чаргу для перасячэння беларуска-літоўскай мяжы ў пункце пропуску «Каменны Лог» у 2015 годзе.
Пра гэта паведаміў сёння, 11 чэрвеня, журналіст прэс-сакратар Дзяржпагранкамітэта Аляксандр Цішчанка, піша БелТА.
«У гэтым годзе мы плануем увесці электронную чаргу для перавозчыкаў грузаў у пункце пропуску» Казловічы» на мяжы з Польшчай. У наступным годзе электронная чарга з'явіцца і на «Каменным Логу», — сказаў прэс-сакратар. Ён таксама паведаміў, што ў «Казловічах» з'явіцца сэрвісная зона, дзе кіроўцы грузавых машын змогуць прыпаркаваць транспарт, адпачыць.
Акрамя таго, памежнае ведамства плануе ўвесці магчымасць браніравання электроннай чаргі праз інтэрнэт. Падчас ЧС па хакеі ў балельшчыкаў была магчымасць папярэдне апавяшчаць памежнікаў пра час перасячэння мяжы. Гэтым скарыстаўся прыкладна кожны 15-ы заўзятар.
«Людзі добра ўспрымаюць гэтыя навіны. І мы будзем развіваць падобныя сэрвісы, у тым ліку з дапамогай нашага інтэрнэт-парталу», — адзначыў прэс-сакратар.
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары