Міліцыя затрымала вопытнага кішэнніка на сталічным рынку, паведамілі ў РУУС Цэнтральнага раёна сталіцы.
Неаднаразова судзімы за кішэнныя крадзяжы 40-гадовы мінчанін выкраў мабільны тэлефон і заплечнік у наведвальніка аднаго са сталічных рынкаў.
Пацярпелы — жыхар Мінскага раёна — прыехаў на рынак і прысеў на лаўку, пакінуўшы побач свой заплечнік.
Зламыснік прысеў побач і незаўважна для навакольных дастаў з кішэні мужчыны, які заглядзеўся па баках, мабільны тэлефон.
Затым ён прыхапіў заплечнік і паспрабаваў збегчы, але быў затрыманы супрацоўнікамі міліцыі.
Пацярпелы ў гэты час нават не здагадваўся пра выпадак, а спакойна працягваў сядзець на лаўцы.
Каментары