Лідэр гурта «Палац» Алег Хаменка ўзяўся за праект «Беларускія народныя казкі». Наклад першай часткі гэтага грандыёзнага праекту быў раскуплены, а ўвесь ён — на 10 дысках — мае пабачыць сьвет да Калядаў.
Лідэр гурта «Палац» і вядучы радыёвэрсіі гіт‑параду «Тузін Гітоў» Алег Хаменка ўзяўся за праект «Беларускія народныя казкі». Наклад першай часткі гэтага грандыёзнага праекту быў раскуплены, а ўвесь ён — на 10 дысках — мае пабачыць сьвет да Калядаў. Алег Хаменка падрабязьней распавёў ТГ пра задуму перачытаць галоўныя беларускія казкі і прадставіў «Злую казку», сабраную з самых неўдалых момантаў запісу.
Гэты праект «Новай музычнай кампаніі» распачаўся вясною 2007 году. Галоўнай мэтай была спроба данесьці ў блізкім да першапачатковага выглядзе (не рэдагаваныя пісьменьнікамі) беларускія казкі з усіх куткоў Беларусі. Ужо даволі даўно адзначалася, што беларускія казкі цікавей слухаць, чым чытаць. Таму неабходнасьць гэтага праекту была відавочнай. Увесь праект быў падзелены на тры часткі, як звычайна дзеляць казкі этнографы: «Казкі пра жывёлаў» (3 CD), «Чарадзейныя казкі» (4 CD), «Сацыяльна‑бытавыя» (пра жыцьцё, 3 CD). Першапачатковая назва праекту была «Беларускія народныя казкі чытае Алег Хаменка». Але, гэтая назва зьмянілася з пачаткам працы над другой часткай — «Чарадзейныя казкі», калі была запрошаная да ўдзелу вядомая артыстка размоўнага жанру, казачніца, кіраўнічка ансамблю «Калыханка» Ларыса Рыжкова. Трэцяя частка праекту распачалася з удзелам знакамітай тэлевядучай і пісьменьніцы Тамары Лісіцкай.
У выніку першая часка праекту зьявілася ў продажы летам 2007. І на сёньня, як сьведчаць прадстаўнікі НМК, атрымала другое выданьне. Другая часка зьявілася ў продажы толькі зараз — у лістападзе. Увесь праект плянуецца выдаць пасля Калядаў. Аднак зараз існуе новая прапанова, самыя «непісьменыя, чорныя казкі» (крадзеж, забойства, папы‑п’яніцы, гвалтаваньні, «ня вельмі нарматыўная» лексыка) аб’яднаць у плыту «Беларускія народныя казкі для дарослых». Аднак канчатковы матэрыял пакуль не запісаны.
Самыя няўдалыя моманты запісу адной з казак аб’ядналіся ў кароткі трэк «Злая казка», які атрымаўся даволі сьмешным. Спампаваць яго можна на сайце palac.org
-
«Больш за год Святлана цяжка хварэла, але нават падчас хваробы не скардзілася» — Катынскі музей адгукнуўся на смерць Святланы Курс
-
У постапакаліптычным вестэрне Guns of Eschaton будзе беларуская мова. Лакалізацыю прафінансавалі два беларусы
-
У Нарвегіі адкрылі новы мемарыял ахвярам тэрактаў Брэйвіка. На ім — кулік з камянёў
Цяпер чытаюць
Лукашэнка параіў узбекам шукаць вялікія грошы ў Расіі10
Лукашэнка параіў узбекам шукаць вялікія грошы ў Расіі
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары