Рада БНР падтрымала падпісанне Украінай, Малдовай і Грузіяй дамоваў аб асацыяцыі с ЕС
Рада выказалася за актыўнае збліжэнне Беларусі і ЕС.
Рада Беларускай Народнай Рэспублікі распаўсюдзіла афіцыйную заяву, у якой яна вітае падпісанне Ўкраінай, Грузіяй і Малдовай пагадненняў аб асацыяцыі з ЕС.
«Рада віншуе кіраўніцтва і народы гэтых блізкіх Беларусі краінаў з важным крокам на шляху эўрапейскае інтэграцыі, які адчыняе для іх новыя магчымасьці для эканамічнага і гуманітарнага разьвіцьця», гаворыцца ў заяве.
Рада БНР таксама выказала сваю падтрымку збліжэнню Беларусі і Еўрапейскага Саюза
пры ўмовах вызвалення і рэабілітацыі ўладамі Рэспублікі Беларусь усіх палітвязняў, правядзення ў Беларусі выбараў па міжнародных стандартах і забеспячэння беларускім грамадзянам дэмакратычных свабодаў.
Вызваленне Алеся Бяляцкага Рада БНР расцэньвае як станоўчы, але не дастатковы крок для пачатку нармалізацыі стасункаў паміж Мінскам і міжнароднай супольнасьцю.
Рада БНР - найстарэйшая існуючая палітычная арганізацыя беларускай дыяспары, найвышэйшы дзяржаўны орган Беларускай Народнай Рэспублікі, які быў утвораны ў 1917 годзе і ад 1919 г. функцыянуе ў выгнанні.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары