Міністр замежных спраў не верыць, што Еўрасаюз адрэагуе на вызваленне Алеся Бяляцкага.
Міністр замежных спраў Беларусі Уладзімір Макей даў інтэрв'ю праграме «Галоўны эфір» (былая «Панарама»). Вядучы Дзмітрый Бачкоў задаў яму пытанне пра «так званых палітвязняў».
«Прайшла амністыя, вызвалілі…» — апісаў прапагандыст сітуацыю Алеся Бяляцкага, так і не назваўшы прозвішча праваабаронцы. Пытанне Бачкова датычыла магчымай рэакцыі еўрапейцаў на гэты крок беларускіх уладаў.
«Можна зрабіць выснову, што асаблівых перамен — хуткіх, рэзкіх і нечаканых — з боку Еўрасаюза чакаць не трэба? Не ведаю, візавых зменаў, яшчэ чагосьці?» — спытаў ён у лоб у міністра замежных спраў.
«Абсалютна слушна, — заявіў Макей. — Мы ведаем, што нават калі б мы вызвалілі тых, каго яны называюць палітвязнямі, то нам заўтра будуць выстаўленыя новыя прэтэнзіі. Напрыклад, чаму ў Беларусі не рэгіструюцца аднаполыя шлюбы. Да нас бы выказалі прэтэнзіі, што дзеці называюць бацькоў «мама» і «тата», а не так, як патрабуецца там — «бацькі №1 і №2»… І гэтак далей.
Макей скончыў прамову тым, што кожны народ павінен сам вырашаць свой лёс, а не падпарадкоўвацца супердзяржаве-гегемону.
Беларусь — адзіная дыктатура сярод еўрапейскіх краін. Сярод іншых, за кратамі застаецца Мікола Статкевіч — адзін з тых, хто кінуў пальчатку Аляксандру Лукашэнку на выбарах 2010 года. Макей быў кіраўніком Адміністрацыі прэзідэнта ў часе выбараў і пагромаў апазіцыі, якія былі ажыццёўлены пасля іх.
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары