Беларусам давядзецца пачакаць з пераходам сістэмы электронных плацяжоў PayPal на нацыянальную валюту, паведамілі ў кампаніі.
Пакуль сістэма PayPal не працуе з беларускімі рублямі і даступная толькі для фізічных асоб. У кампаніі пакуль не гатовыя сказаць, калі сэрвіс пяройдзе на працу з нацыянальнай валютай Беларусі, а таксама калі скарыстацца яго паслугамі змогуць юрыдычныя асобы. «Мы здзейснілі наш першы крок на беларускім рынку. І аб'явім аб даступнасці новых паслуг, як толькі будзем да гэтага гатовыя», — адзначылі ў кампаніі.
Каментуючы, чаму беларускім карыстальнікам PayPal пакуль даводзіцца працаваць у англамоўным інтэрфэйсе, у кампаніі растлумачылі, што ў цяперашні час жыхары краін постсавецкай прасторы, у якіх адкрыта толькі магчымасць адпраўкі плацяжоў, падлучаныя да англамоўнага інтэрфейсу.
«Мы хочам, каб наш сэрвіс быў максімальна простым і зручным, і разумеем, што для многіх жыхароў Беларусі больш камфортна было б працаваць у рускамоўным інтэрфейсе. Аб любых важных зменах у нашых паслугах, у тым ліку аб пераходзе на рускамоўную версію сайта, мы будзем паведамляць па меры гатоўнасці», — дадалі суразмоўцы.
Жыхары Беларусі атрымалі магчымасць адкрываць рахункі ў PayPal і здзяйсняць плацяжы на мільёнах сайтаў па ўсім свеце ў чэрвені 2014 года.
На дадзены момант аплатная сістэма PayPal даступная ў 203 краінах. Яе карыстальнікамі з'яўляюцца больш за 148 млн чалавек, штодня ў ёй апрацоўваюцца больш за 9 млн плацяжоў. PayPal працуе з 26 нацыянальнымі валютамі.
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім24
Каментары