На палігонах Расіі і Казахстана пройдуць вучэнні ўзброеных сіл дзяржаў СНД
«Запланаваныя сумесныя вучэнні ўзброеных сіл дзяржаў — удзельніц СНД «Баявая Садружнасць — 2015» у перыяд з чэрвеня па верасень 2015 года па ўзгадненні бакоў», паведамляе сайт Міністэрства абароны Беларусі.
Мэта вучэння накіраваная на рашэнне частых задач па ўзаемадзеянні паміж злучэннямі, часцямі, падраздзяленнямі войскаў СПА, ВПС і сродкаў ПКА (паветрана-касмічнай абароны) па абароне паветраных межаў.
На тактычных вучэннях выканаюць баявыя пускі з зенітна-ракетных комплексаў ЗРК С-200, С-75, С-125, «Круг», «Куб», С-300 па паветраных мішэнях.
Радыётэхнічныя падраздзялення адпрацуюць пытанні вядзення радыёлакацыйнай выведкі, выяўлення ўмоўнага паветранага праціўніка і цэлеўказання, гаворыцца ў паведамленні.
Вучэнні на першым этапе плануецца правесці на палігоне Ашулук Расійскай Федэрацыі ў чэрвені—ліпені 2015 года. Яны прадугледжваюць сумеснае прымяненне частак ВПС Арменіі, Беларусі, Кыргызстана, Расіі і Таджыкістана і падрыхтоўку да ўзаемадзеяння ў складзе кааліцыйнай групоўкі.
Другі этап плануецца правесці ў ходзе сумесных вучэнняў з баявой стральбой на палігоне Сарышаган Казахстана ў рамках адзінай сістэмы СПА краін АДКБ у жніўні—верасні наступнага года.
На пачатку ліпеня гэтага года ў Астане прайшло пасяджэнне Савета міністраў абароны СНД, у якім удзельнічалі дэлегацыі Азербайджана, Арменіі, Беларусі, Казахстана, Кыргызстана, Расіі, Таджыкістана, Узбекістана. Міністры абароны СНД таксама зацвердзілі план сумесных мерапрыемстваў узброеных сіл на 2015 год, у тым ліку і правядзенне вучэнняў «Баявая Садружнасць — 2015».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары