Цана газу на пачатак 2008-га складзе $119,5. Пра гэта заявіў першы віцэ‑прэм’ер Беларусі Уладзімер Сямашка на сэмінары кіруючых работнікаў рэспубліканскіх і мясцовых органаў улады.
Пра гэта заявіў першы віцэ‑прэм’ер Беларусі Уладзімер Сямашка на сэмінары кіруючых работнікаў рэспубліканскіх і мясцовых органаў улады.
Паводле яго словаў, пад час перамоваў магчыма зьніжэньне гэтай цаны на $7‑8.
Патрэба Беларусі ў прыродным газе ў наступным годзе ацэньваецца ў 21,5 млрд кубамэтраў.
Аглядальнікі тлумачаць такую фантастычна нізкую цану (сама Расея будзе закупляць газ у Туркменіі за 130 даляраў, а цана паставак для Ўкраіны пагражае скласьці да 200 даляраў) трыма фактарамі. Па-першае, гэта цана за маўчаньне А. Лукашэнкі перад расейскімі выбарамі.
Па-другое, ходзяць чуткі, што беларускі ўрад паабяцаў Расеі прысьпешыць прыватызацыю мазырскае і наваполацкае нафтахіміі ў расейскія рукі. І па-трэцяе гэта плата за палітычны васалітэт Беларусі, якога яна верна трымалася нават у часы газавых канфліктаў. Што характэрна і, магчыма, дае ключ да разуменьня, якая з вэрсіяў правільная, нізкая цана вызначаная на першы квартал 2008 году, пры тым што звычайна дагэтуль акрэсьлівалася цана на цэлы год.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары