Раніцай 26 жніўня а палове восьмай у міліцыю пачалі тэлефанаваць людзі з паведамленнямі аб пашкоджанні машын.
Машыны стаялі ў дварах, каля дарогі, пачынаючы з вуліцы Францішка Скарыны і да рынку райспажыўтаварыства, пасля па вуліцы Віленскай і да пуцеправода.
На дахах некаторых машын бачны сляды абутку, адламаныя люстэркі задняга бачання, павыбіванае шкло ў дзвярах і ззаду.
Усяго ў міліцыю звярнулага 35 чалавек, але тэлефануюць і цяпер.
Юры Багушэвіч, старшы следчы Следчага камітэта Маладзечна адзначыў: «Сведкі гавораць, што хуліганаў было некалькі. Уласнікі машын сцвярджаюць, што заўважалі, як каля машын круцяцца невядомыя людзі. Адзін з уласнікаў нават бачыў, як нехта скакаў па машыне, якая стаяла воддаль. Аднак не звярнуў на гэта ўвагу, не выклікаў міліцыю і пайшоў спаць. Раніцай жа ўбачыў, што дах на машыне пашкоджаны».
Завялі крымінальную справу паводле артыкула 339 часткі 2 «Хуліганства, здзейсненае групай асоб».
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары