Уварванне расейскіх войскаў пачалося не ў Новаазоўску 27 жніўня, а на Савур-Магіле і ў Амвросіеўцы 24 жніўня. Пра гэта заявіў дарадца міністра ўнутраных спраў Украіны Антон Герашчанка ў эфіры Пятага тэлеканала ў панядзелак увечары.
«Трагедыя ў нас не толькі пад Ілавайскам. Трагедыя пачалася з таго, што расійскія войскі раніцай 24 жніўня акружылі нашу групоўку і разграмілі пад Савур-Магілай і Амвросіеўкай», — паведаміў Герашчанка.
Ён падкрэсліў, што ўкраінцы не да канца ведаюць, што там адбылося.
«Нават я не да канца ведаю, як і што там было, але я ведаю, што было шмат параненых, забітых і кінутай баявой тэхнікі», — растлумачыў ён.
Паводле ягоных словаў, праблема паўстала з-за неадэкватнай і запозненай рэакцыі ўладаў на падзеі пад Савур-Магілай і Амвросіеўкай.
«Гэта была адкрытая агрэсія. Прыйшлі узброеныя да зубоў Разанская, Кастрамская паветрана-дэсантныя дывізіі з поўным боекамплектам і напалі на нашых хлопцаў, якія там былі ўжо месяцамі, якія стаміліся, у якіх сканчаліся боекамплекты», — сказаў на заканчэнне Герашчанка.
Мінск сёння вечарам пагрузіўся ў цемру. Пасля загаду Лукашэнкі51
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары