Новая форма жыроўкі зацверджана ў Беларусі: насельніцтва рыхтуюць да адмены субсідый
Новая форма жыроўкі зацверджана ў Беларусі. Адпаведнае рашэнне змяшчаецца ў пастанове Міністэрства жыллёва-камунальнай гаспадаркі №17 ад 29 жніўня 2014 «Аб устанаўленні формы паведамлення аб памеры платы за жыллёва-камунальныя паслугі і платы за карыстанне жылым памяшканнем», якое сёння афіцыйна апублікавана на Нацыянальным прававым інтэрнэт-партале.
У жыроўках з'явіліся графы «Дата, нумар дамовы на аказанне паслуг, найменне арганізацыі», «Тарыфы (цэны), якія забяспечваюць поўнае пакрыццё эканамічна абгрунтаваных затрат», «Тарыфы (цэны) субсідуюцца», «Памер платы за памяшканне», «Налічана па тарыфах (цэнах), што забяспечваюць поўную кампенсацыю эканамічна абгрунтаваных затрат», «Налічана па субсідаваных тарыфах (цэнах)».
Пастанова ўступае ў сілу пасля яго афіцыйнага апублікавання.
Такая форма жыроўкі псіхалагічна рыхтуе грамадзян да паступовага зніжэння і адмены субсідый на камунальныя выдаткі.
Урад сцвярджае, што насельніцтва аплачвае толькі 27% рэальнага кошту камунальных паслуг. Крытыкі гэтага меркавання называюць лічбы «эканамічна абгрунтаваных затрат» узятымі са столі і нерэальнымі пры той цане, па якой Беларусь імпартуе газ.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары