Прэзідэнт Украіны Пятро Парашэнка прапанаваў народным дэпутатам разгледзець як першачарговыя праекты пастаноў аб унясенні зменаў у межы раёнаў Луганскай вобласці.
Пра гэта ён сказаў на нарадзе з кіраўнікамі фракцый і дэпутацкіх груп.
Паводле інфармацыі, праекты пастаноў унёс на разгляд Вярхоўнай Рады старшыня Луганскай абласной дзяржаўнай адміністрацыі Генадзь Маскаль.
Пастаянны прадстаўнік прэзідэнта ў парламенце Руслан Князевіч лічыць, што неабходнасць разгляду гэтага пытання ўзнікла ў сувязі з тым, што пэўныя раёны Луганскай вобласці часткова не кантралююцца ўкраінскімі ўладамі.
«Для належнага кіравання гэтымі тэрыторыямі і забеспячэння жыццядзейнасці гэтых раёнаў Луганскай вобласці трэба ўнесці змены ў межы раёнаў Луганскай вобласці і далучыць да тых раёнаў, якія мы кантралюем», — сказаў ён, каментуючы праекты пастаноў.
Па словах Князевіча, на нарадзе з прэзідэнтам гэтая ініцыятыва абмяркоўвалася дэпутатамі, і ўсе без выключэння прадстаўнікі парламенцкіх фракцый і груп, а таксама старшыня Вярхоўнай Рады яе падтрымалі.
«Гэта важнае рашэнне, якое дазволіць пасля яго прыняцця неадкладна адкрываць у гэтых раёнах тэрытарыяльныя аддзялення Дзяржказначэйства, выплачваць людзям пенсіі і заработныя платы, ажыццяўляць увесь пакет сацыяльных паслуг, абавязацельствы па якіх нясе дзяржава. Гэта самае важнае, чаго чакаюць жыхары Луганшчыны сёння», — адзначыў Князевіч, цытуе яго прэс-служба прэзідэнта.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары