Смартфоны коштам менш за 100 даляраў могуць знікнуць з продажу
Віной таму часткова — штучны інтэлект.
Тэлефоны Xiaomi. Ілюстрацыйнае фота: Xiaomi
Смартфоны таннейшыя за 100 даляраў хутка могуць знікнуць, паколькі выдаткі на памяць імкліва растуць, паведамляе CNBC.
Каля 173 мільёнаў смартфонаў коштам менш за 100 даляраў былі пастаўлены летась па ўсім свеце. У другім квартале 2026 года пастаўкі ў гэтым сегменце ўпалі амаль на 60% у параўнанні з папярэднім годам, сведчаць даныя IDC.
Тэлефоны коштам да 100 даляраў складалі 27,7% сусветных паставак кітайскай кампаніі Xiaomi ў першай палове 2025 года. Праз год гэтая доля знізілася да 11,2%.
Віной таму, часткова, ненажэрны апетыт штучнага інтэлекту да памяці. Вытворцы чыпаў аддалі прыярытэт больш дарагім прадуктам, якія выкарыстоўваюцца ў інфраструктуры ШІ, што прывяло да скарачэння паставак кампанентаў для смартфонаў і павышэння выдаткаў.
Памяць зараз складае амаль 60% сабекошту матэрыялаў для смартфонаў коштам ніжэй за 200 даляраў, кажа Шоў Шэнь Уіня з Omdia.
«Вытворчасць бюджэтных тэлефонаў становіцца эканамічна нявыгаднай», — заявіў віцэ-прэзідэнт IDC па даследаваннях спажывецкіх прылад Браян Ма.
У імкненні павысіць маржу кітайскія вытворцы пераходзяць у больш высокі цэнавы сегмент. Паколькі вытворчасць самых танных мадэляў становіцца нявыгаднай, вытворцы прыбіраюць іх са сваіх лінеек, падцягваючы агульны рынак уверх.
Доля паставак Xiaomi коштам да 200 даляраў упала з 60% да 52,5% з 2023 года, па даных IDC.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары