Грамадства2525

19‑гадовая расіянка засвоіла беларускую лепш за многіх беларусаў і цяпер марыць пра сіні пашпарт замест чырвонага

Яўгеніі Шафараставай — 19 гадоў. Дзяўчына нарадзілася і вырасла ў Томску, але ў падлеткавым узросце пераехала ў Брэст з бацькамі — тату прапанавалі там працу.

Яўгенія Шафарастава. Фота: інстаграм @zhenya.shaforostova

За пару гадоў Жэня вывучыла беларускую мову на выдатна, і здала ЦТ па ёй усяго з адной памылкай. Акрамя таго, расіянка папулярызуе беларускую мову ў сваім блогу і марыць атрымаць беларускае грамадзянства.

«Вырашыла стаць сапраўднай беларусачкай, бо ўсе вакол мне кажуць, што я больш беларуска, чым некаторыя беларусы па нараджэнні», — каментуе Яўгенія.

Ужо ў школе Жэня пачала цягнуцца да беларушчыны, хаця, як расказвае яна, класная настаўніца ўвесь час нагадвала, што дзяўчына размаўляе «нячыста».

«Класная казала, што ў мяне ярка выяўлены рускі акцэнт, і я была ўпэўненая ў гэтым з 8‑га класа, хаця беларусы і ўкраінцы, якія глядзяць мае відэа зараз, упэўніваюць мяне ў адваротным».

У канцы навучальнага году ў 10‑м класе, дзяўчына перавяла сацсеткі на беларускую мову, каб яшчэ лепш падцягнуць свой узровень.

«Я магла посціць па 10 сторыс на дзень, і ўсе — на беларускай мове. Усё пісала сама, толькі калі забывала нейкае слова, заходзіла ў інтэрнэт», — згадвае Яўгенія. Такая тактыка, па яе словах, і дапамагла ёй здаць ЦТ па беларускай мове ўсяго з адной памылкай.

Будучы школьніцай, Яўгенія заняла трэцяе месца на рэспубліканскім конкурсе з даследчай працай на беларускай мове, прысвечанай муралам і айдэнтыцы хат Брэста і стрыт-культуры горада.

«Гучанне беларускага маўлення вельмі мяне супакойвае і натхняе адначасова», — кажа дзяўчына.

Сёння Яўгенія вучыцца на будаўнічым факультэце БНТУ. Імкнецца быць актыўнай студэнткай. Так, яна стала фіналісткай конкурсу «Міс БНТУ — 2025».

Таксама Жэня займаецца танцамі — выступае ў калектыве «Буддэнс» на сваім жа факультэце.

@movashh Лол сябры я з Томска і грамадзянка РФ, такія справы і такі вось камінг-аут (ну можна крышачку пахайпіцца на гэтым) #мова #беларусь ♬ original sound - oli

Пра тое, што Яўгенія — расіянка, ведала абмежаванае кола знаёмых, пакуль яна падзялілася гэтым у сацсетках. У каментарах многія выказвалі сумневы, што расіянка можа так добра размаўляць па-беларуску. Каб даказаць, Жэні прыйшлося прадэманстраваць свой пашпарт.

Для пацвярджэння свайго расійскага грамадзянства Жэні прыйшлося прадэманстраваць свой пашпарт

Жэня і сама адчувае сябе больш беларускай, таму вырашыла змяніць грамадзянства і атрымаць беларускі пашпарт. У сваім жа блогу яна дзеліцца сваімі знаходкамі беларускіх брэндаў, здымае агляды на беларускія кавярні і расказвае пра стылёвы рамонт у інтэрнаце сваімі рукамі.

@movashh Станаўлюся тру беларус дзяўчынкаю. GRWM па збор дакументаў ✨ #мова #беларус #мінск ♬ Inspirational piano and strings, post-classical 10(1373065) - arachang

«Такім новым беларусам мы радыя».

«Такіх мы сардэчна запрашаем у нашу беларускую сям’ю».

«Расіянка размаўляе па-беларуску! Нават беларусы шмат якія не размаўляць, рэспект!» — не хаваюць захаплення каментатары.

«Наша Нiва» — бастыён беларушчыны

ПАДТРЫМАЦЬ

Каментары25

  • Filipp
    13.09.2026
    Калі беларусы на пачнуць шмат нараджаць, а на гэта не падобна, то асноўным папаўненнем для Новай Беларусі будуць расіяне ды ўкраінцы. Гэта патэнцыйны чалавечы рэсурс для нас.
  • Яна
    13.09.2026
    Яна патомак беларусаў. На вачох напісана. Хай прыяжджае. Яна не арчыха
  • ЎІЎ
    13.09.2026
    Колькі ўжо такіх гісторыі, што не беларусы лепш ведаюць беларускую чым беларусы.

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе20

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу125

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе20

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць