Пра гэта камандзір батальёна «Данбас» Сямён Сяменчанка напісаў на сваёй старонцы ў Facebook.
«Назіраючы, як нагнятаецца сітуацыя вакол гатоўнасці расійскіх войскаў да наступу, разумееш што далей два варыянты: або ў панядзелак-сераду будзе новы Мінск [перамовы на ўмовах Расіі — НН] да чаго нас як магчыма рыхтуюць) або наступ. Валодаючы інфармацыяй схіляюся да першага варыянту. Хоць не Нострадамус», — напісаў ён.
«На сваім участку (батальён Данбас і пералік рэформаў з указаннем тэрмінаў для кааліцыйнага пагаднення) я гатовы. Засталося высветліць ці гатовыя чыноўнікі, на якіх адказнасць, за абарончыя збудаванні. Другі раз абвінаваціць у сваіх недапрацоўках мабільныя тэлефоны — не выйдзе. Калі зараз не перамяшчаюцца з дзікай хуткасцю экскаватары і не капаюцца траншэі, не будуюцца бліндажы ў месцах дзе паказана на карце, то ў выпадку калі не дай Бог — адкажаце не пракуратуры. Народу. Галавой.
Час яшчэ ёсць-капайце. Гэта ўсё што ад вас зараз трэба. Усё роўна не вам там сядзець».
Раней прэзідэнт Пятро Парашэнка заявіў, што Украіна гатова да поўнамаштабнай вайны з Расіяй.
Пра гэта прэзідэнт Украіны заявіў у інтэрв'ю нямецкай газеце Bild.
«Мы падрыхтаваліся да сцэнара поўнамаштабнай вайны, — паведаміў кіраўнік украінскай дзяржавы. — Украінская армія знаходзіцца ў значна лепшым стане, чым ўсяго пяць месяцаў таму».
Прэзідэнт таксама падкрэсліў, што цяпер Украіна «больш за ўсё прагне міру», але, на жаль, зараз вымушаная быць гатовая да найгоршых сцэнароў.
Рада нацыянальнай бяспекі і абароны Украіны апублікавала ў нядзелю звесткі аб тым, што прарасійскія баевікі і расійскія войскі ў зоне АТА рыхтуюцца да наступу.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары