Русы пра самабуды пад Мінскам: «Выкапалі канал, пабудавалі прыстань, і ніхто гэтага не бачыць»
Віцэ-прэм'ер даручыў разабрацца з захопам зямлі вакол сталіцы.
Намеснік прэм'ер-міністра Міхаіл Русы даручыў праверыць факты самавольнага заняцця зямель пад Мінскам. Такое даручэнне ён даў сёння на пасяджэнні Мінаблвыканкама, дзе разглядаліся вынікі сацыяльна-эканамічнага развіцця вобласці за дзевяць месяцаў бягучага года.
«Трэба навесці парадак на тэрыторыі вакол Мінска. Пачалі разбірацца з рознымі службамі — усе ківаюць адзін на аднаго. Прыклады — самавольны захоп участка, самавольнае будаўніцтва. Выкапалі канал, пабудавалі прыстань, і ніхто гэтага не бачыць»,
— падкрэсліў віцэ-прэм'ер.
Міхаіл Русы акцэнтаваў увагу, што аператыўнае вырашэнне гэтага пытання, а таксама іншых праблем рэгіёна будзе залежаць ад узроўню выканальніцкай дысцыпліны і адказнасці кіруючых кадраў рэгіёна. Так, у гэтым плане цяпер ёсць прэтэнзіі да мяса-малочнай галіны.
«Там, дзе кіраўнік працуе ў патрэбным рэчышчы, няма праблем ні з чым. Лічу, што тая сістэма работы, якая выбудавана ў Мінскай вобласці, дасць магчымасць вырашыць усе пытанні, і ўрад гатовы ў гэтым дапамагчы. Кадры ў рэгіёне ёсць, з імі трэба працаваць, не баяцца прыходу маладых. Упэўнены, што пастаўленыя на 2015 год задачы вобласць выканае»,
— сказаў ён.
Закранаючы тэму экспарту прадукцыі ў Расію, Міхаіл Русы адзначыў: «Так, сёння ёсць пытанні наконт курса расійскага рубля. Але пры гэтым продажы ідуць, трэба варушыцца і актыўна займацца пастаўкамі». Ён акцэнтаваў увагу, што прадпрыемствы пры выпуску прадукцыі павінны ў першую чаргу звяртаць увагу на яе запатрабаванасць.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы71
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары