Дэпутат Вярхоўнай рады Украіны Аляксей Парашэнка, старэйшы сын прэзідэнта краіны Пятра Парашэнкі, распавёў у інтэрв'ю тэлеканалу «1+1» падрабязнасці свайго ўдзелу ва ўзброеным канфлікце на ўсходзе краіны.
«Я не з'яўляюся прафесійным вайскоўцам. І, вядома, я не які-небудзь камандас, які па перадавой лазіў і рабіў сакрэтныя аперацыі. Я быў у мінамётным падраздзяленні <…> Мы там стралялі і дапамагалі іншым нашым ваяваць», - сказаў Аляксей Парашэнка, удакладніўшы, што яго батальён быў пад Краматорскам.
Ён таксама абверг чуткі пра тое, што ў зоне канфлікту яго «ахоўваў цэлы батальён».
«Я туды паехаў добраахвотнікам, сам напісаў заяву»,— заявіў Парашэнка-малодшы. Ён распавёў, што паехаў на Данбас пад іншым прозвішчам — Анісенка, «каб не падвяргаць небяспецы людзей, якія будуць вакол мяне».
Пятро Парашэнка паведаміў, што яго сын Аляксей ваюе на ўсходзе Украіны, у інтэрв'ю тэлеканалу CNN ў верасні.
«Мой сын там… Ён пайшоў туды па ўласнай волі і камандуе артылерыйскай часткай», — сказаў прэзідэнт Украіны. За папярэднія тры тыдні, як заявіў тады прэзідэнт, ва ўзводзе яго сына загінулі тры байцы. «Гэта вельмі моцны сігнал, які дае зразумець (мне) як прэзідэнту, грамадзяніну і бацьку, наколькі небяспечны гэты працэс і як важна ўстанавіць мір на гэтай тэрыторыі», — сказаў Парашэнка.
Упершыню інфармацыя аб удзеле Аляксея Парашэнкі ў канфлікце з'явілася ў канцы жніўня.
Старэйшы сын украінскага лідара быў абраны дэпутатам Вярхоўнай рады па мажарытарнай акрузе ў Вінніцкай вобласці па выніках выбараў, якія прайшлі 26 кастрычніка.
Цяпер чытаюць
Разведка ЗША: Беларусь стала перадавым вайсковым плацдармам Расіі21
Каментары