Новая беларуская кандытарская фабрыка «Салодкая краіна» паставіла ў гандлёвую сетку першыя 50 тон прадукцыі
Пра гэта паведаміла начальнік упраўлення каардынацыі і развіцця алкагольнай, крухмала-патачнай і кандытарскай галінаў дзяржканцэрна «Белдзяржхарчпрам» Ірына Кандратава.
Паводле яе слоў, вытворчую магутнасць фабрыкі складаюць 1300 тон у год пры працы ў адну змену, і 2700 тон — у дзве змены.
Інвестыцыйны праект рэалізуецца ў межах праграмы імпартазамяшчэння — фабрыка вырабляе глазіраваныя і неглазіраваныя бісквітныя рулеты і мінірулеты з рознымі начынкамі, бісквітныя пірожныя. Раней гэтая прадукцыя пастаўлялася ў Беларусь з Расіі, Украіны і Польшчы. Праект рэалізаваны за кошт крэдытных рэсурсаў ААТ «Банк развіцця Рэспублікі Беларусь».
Большая частка абсталявання на фабрыку дастаўлена з Аўстрыі, Даніі, Германіі, Італіі, Шатландыі. Вырабам глазіровачнай лініі займаліся англійскія партнёры.
Плануецца, што 70% прысмакаў будзе пастаўляцца на айчынны рынак, а 30% за мяжу.
Фабрыка пачала працу ў верасні 2014 у Аршанскім раёне.
Цяпер чытаюць
«Я супрацоўнік КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку17
Каментары