На Камароўцы міліцыянты «перастрахаваліся» і затрымалі чатырох чалавек за раздачу стужак з беларускім арнаментам ФОТА, ВІДЭА
Раздача стужак на Камароўцы: фота з твітара Франака Вячоркі.
Уранку раздача стужак з беларускім арнаментам у некалькіх пунктах Мінска адбылася без інцыдэнтаў. Аднак каля 12.00 каля Камароўкі былі затрыманыя дырэктар «Арт-Сядзібы» Павел Белавус, а таксама Франак Вячорка, фотакарэспандэнт Уладзь Грыдзін, а таксама валанцёр, імя якой не называецца. Іх завезлі ў Савецкім РУУС Мінска, і там бяруць тлумачэнне, але, паводле іх словаў, выпусцяць.
Затрыманы Уладзь Грыдзін, фота з Twitter Франака Вячоркі
Затрыманы Уладзь Грыдзін, фота з Twitter Франака Вячоркі
«Проста нас каля Камароўкі было надта шмат, чалавек 25, — сказаў Франак Вячорка сказаў «Нашай Ніве». — І міліцыянты перастрахаваліся».
Пазней яны былі адпушчаныя з міліцыі без складання пратаколаў.
Акцыю па раздачы нацыянальнага арнамента праводзіць суполка «Арт-сядзіба». Яны маюць намер раздаць на вуліцах і ў крамах Мінска каля 10 тысяч стужачак.
Фота з твітара Франака Вячоркі.
Франак Вячорка на Камароўцы. Фота з твітара Роберта Ляха.
Каментары