МУС Беларусі папярэджвае: У Расіі 105 тысяч аўто крадзеныя — іх могуць прадаваць беларусам
Па падробленых дакументах.
Як паведамілі ў МУС, беларусаў усё часцей ашукваюць пры пакупцы аўтамабіляў у Расіі. Прадаўцы часта просяць у пакупніка пакінуць копію пашпарта, а праз нейкі час перадаюць нібыта аформленыя дамову куплі-продажу і дакументы на машыну.
А пасля высвятляецца, што дакументы падробленыя, а аўто знаходзіцца ў вышуку — крадзенае.
Да прыкладу, адзін з беларусаў паехаў у Маскву па «БМВ Х5», які выбраў яшчэ праз інтэрнэт. Калі сустрэўся з прадаўцом, той папрасіў беларуса пачакаць, пакуль ён з’ездзіць і сам аформіць дакументы. Канечне, запісаў яго звесткі. А калі ўжо беларус ставіў машыну на ўлік у ДАІ, выявілася, што яна знаходзіцца ў вышуку. А звесткі былога ўладальніка ў дакументах былі выдуманымі.
Іншы беларус паехаў у Расію па «Лексус». Калі прыгнаў у Беларусь, даведаўся, што аўто таксама крадзенае. Машыну канфіскавалі.
У МУС адзначаюць, што сёлета ў Расіі ў вышук абвясцілі 105 тысяч аўтамабіляў. Не выключана, што частку машын пад выглядам легальных могуць прадаць і беларусам. І раяць непасрэдна прысутнічаць пры афармленні дакументаў.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў9
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары