42-гадовы брытанскі акцёр Ідрыс Элба, вядомы выкананнем ролі Нэльсана Мандэлы ў фільме «Доўгі шлях да свабоды», не абверг чуткі пра тое, што ён стане сёмым па ліку кінематаграфічным Джэймсам Бондам.
«Агент 007 павінен быць добры сабой? Рады, калі вы думаеце, што я падыходжу! З Новым годам!» — напісаў ён у суботу ў Твітары.
Пасля хакерскай атакі на кампанію Sony Pictures Entertainment ў публічным доступе з’явілася яе канфідэнцыйная карпаратыўная перапіска, у тым ліку электронны ліст кіраўніка кампаніі з фразай: «Наступным Бондам будзе Ідрыс».
Каментароў ад Sony Pictures пакуль не паступала.
З 1962 года былі зняты 23 фільмы пра Бонда, якія прынеслі іх стваральнікам больш за 6 мільярдаў даляраў. Эпапея пра Бонда стала другой па даходах пасля «Зорных войнаў».
Паколькі акцёры, у адрозненне ад вечна маладога героя, маюць звычай старэць, ролю «агента 007» у розныя гады выконвалі шэсць чалавек.
Апошні «Бонд» Дэніэл Крэйг ў 2015 годзе прыступае да здымак у 24-м эпізодзе пад умоўнай назвай «Спектр», але ўжо выказаў жаданне ў далейшым выйсці з праекта.
-
«Закуліссе»: 20‑гадовы ютубер без кіношнай адукацыі зняў фільм, які ўсе абмяркоўваюць і ламаюць галаву над разгадкай
-
«Скончыце ўжо гэту бойню». Рэжысёр Звягінцаў атрымаў Гран-пры Канскага фестывалю і звярнуўся са сцэны да Пуціна
-
«Спачатку жанчыны»: у гэтым фільме жанчыны кіруюць светам, а мужчыны вучацца быць спакуслівымі, каб зрабіць кар’еру
Каментары