Авіякампанія AirAsia можа страціць ліцэнзію ў Інданэзіі пасля катастрофы ў Яванскім моры, паведамляюць інфармагенцтвы.
Міністэрства транспарту Інданезіі плануе правесці праверку раскладаў ўсіх рэйсаў авіякампаніі AirAsia, пачынаючы з наступнага панядзелка. У выпадку, калі будуць выяўленыя парушэнні, у кампаніі могуць адабраць ліцэнзію на дзейнасць у Інданезіі.
Раней авіяцыйныя ўлады часова забаранілі AirAsia ажыццяўляць палёты па маршруце Сурабая-Сінгапур, на якім 28 снежня пацярпеў крушэнне авіялайнер гэтай кампаніі. Кампанія па гэтым маршруце мела дазволы на палёты толькі па чатырох канкрэтных днях тыдня, але не ў нядзелю, калі адбылася катастрофа. Ва ўпраўленні грамадзянскай авіяцыі краіны ў сваю чаргу заявілі, што кампанія Indonesia AirAsia на законных падставах выконвала штодзённыя палёты па маршруце Сурабая-Сінгапур-Сурабая.
Самалёт Airbus A320-200 авіякампаніі AirAsia, які рабіў рэйс QZ 8501 з інданэзійскага горада Сурабая ў Сінгапур, у ноч на 28 снежня знік з радараў дыспетчарскіх службаў. Па дадзеных СМІ, на борце знаходзіліся каля 160 чалавек і сямёра членаў экіпажа. Амаль усе пасажыры і члены экіпажа былі інданезійцамі. Знойдзеныя 30 цел загінулых. Беларускіх грамадзян сярод пасажыраў зніклага з радараў самалёта авіякампаніі AirAsia не было, паведамілі ў МЗС Беларусі.
Па апошняй інфармацыі, ратавальнікі знайшлі некалькі буйных аб'ектаў у раёне пошукаў самалёта. Знайсці «чорныя скрыні» да гэтага часу не ўдалося. Адной з прычын крушэння лайнера AirAsia магла стаць дрэннае надвор'е.
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй24
Каментары