Манапаліст у экспарце прыроднага газу з РФ — «Газпром» адмовіўся ад планаў пашырэння балтыйскага газаправода «Паўночны паток» і падаўжэння яго да Вялікабрытаніі.
Пра гэта сказаў Reuters прадстаўнік «Газпрома» Сяргей Купрыянаў.
«Пакуль планаў па пашырэнні Nord Stream няма. Газаправод мае тэхнічную магчымасць прапампоўваць да 60 мільярдаў кубаметраў у год. Гэтага дастаткова на дадзены момант», — сказаў Купрыянаў.
Раней аб адсутнасці планаў пашырэння «Паўночнага патоку» Рэйтэр распавялі крыніцы ў «Газпроме».
«Цяпер складаная палітычная сітуацыя, у OPAL нас так і не пусцілі. Навошта будаваць яшчэ дзве галіны? Мы не будуем», — сказала адна крыніца.
«Планаў пашырэння Nord Stream і падаўжэння яго да Вялікабрытаніі цяпер няма. Не разглядаем», — пацвердзіла іншая крыніца.
У 2013 годзе «Газпром» заяўляў аб планах пашырэння «Паўночнага патоку» дзвюма галінамі і падаўжэння яго да Вялікабрытаніі.
Цяпер газ перапампоўваецца ў Еўропу па дзвюх галінах сукупнай планавай магутнасцю 55 мільярдаў кубаметраў, аднак балтыйскі газаправод выкарыстоўваецца прыкладна напалову з-за абмежаванні доступу «Газпрому» да еўрапейскай газавай магістралі OPAL па ўмовах трэцяга энергопакета ЕС.
Масква ў пачатку снежня адмовілася ад будаўніцтва трансчарнаморскага газаправода «Паўднёвы паток» у абыход Украіны, абвінаваціўшы Еўрасаюз у «неканструктыўнай» пазіцыі, і цяпер мае намер пусціць маршрут праз Турцыю, ужо паабяцаўшы ёй льготныя цэны на расійскі газ.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»13
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары