Прэзідэнт ЗША Дональд Трамп у размове з журналістамі ў Белым доме заявіў, што Ірану пара прызнаць сваю паразу.
«Ірану варта вывесіць белы сцяг. Яны вельмі гордыя людзі, і, можа быць, вы гэтага сцяга так не ўбачыце, але ім па сутнасці ўжо пара вывесіць белы сцяг — капітуляваць», — заявіў прэзідэнт ЗША.
Адказваючы на пытанне, якія дзеянні могуць прывесці да заканчэння перамір’я і аднаўлення амерыканскай ваеннай аперацыі, Трамп заявіў, што іранскае кіраўніцтва ведае, «чаго рабіць не трэба».
Трамп лічыць, што Тэгеран імкнецца заключыць з Вашынгтонам здзелку і дамовіцца аб спыненні баявых дзеянняў. Ён адзначыў, што прымае асабісты ўдзел у перамовах з іранцамі, але паскардзіўся на тое, што «яны гуляюць у гульні».
«Мне не падабаецца ў выпадку з Іранам тое, што яны [спачатку] размаўляюць са мной з такой павагай, а потым выходзяць на тэлебачанне і заяўляюць: «Мы не размаўлялі з прэзідэнтам». Але я толькі што размаўляў [з імі]», — панаракаў прэзідэнт ЗША.
5 мая партал Axios паведаміў са спасылкай на крыніцы ў амерыканскім і ізраільскім кіраўніцтве, што Трамп можа распарадзіцца аб аднаўленні ваеннай аперацыі ў Іране на гэтым тыдні пры захаванні тупіка ў перамовах.
Раней кіраўнік Пентагона Піт Хегсет заявіў, што амерыканскія вайскоўцы гатовыя аднавіць у выпадку неабходнасці баявыя дзеянні супраць Ірана.
Трамп расказаў, што будзе, калі Іран адмовіцца ад правільнага пагаднення з ЗША
Трамп прыгразіў уладам Ірана знішчэннем, калі Тэгеран атакуе амерыканскія караблі
Каля ўзбярэжжа ААЭ гарыць карэйскі танкер. У вайне ЗША з Іранам новы віток
Чарговае звальненне ў Пентагоне: пайшоў у адстаўку міністр ВМС Джон Фелан, які меўся будаваць «залаты флот» Трампа
Трамп падзяліў саюзнікаў па НАТА на «добрых» і «кепскіх»
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень10
Каментары