Прэса няправільна інтэрпрэтавала пазіцыю новага левага ўрада Грэцыі: ён не збіраецца накладаць вета на санкцыі Еўрасаюза супраць Расіі. Як паведамляе агенцтва Reuters, пра гэта заявіў новы міністр фінансаў Грэцыі Яніс Варуфакіс.
Ён абверг здагадкі, што скаргі Афін з нагоды заявы ЕС пра Украіну азначаюць гатоўнасць грэкаў накласці вета на падаўжэнне блокам санкцый у дачыненні да Расеі.
На сваёй старонцы ў сацыяльных сетках Варуфакіс напісаў, што прэса няправільна інтэрпрэтавала пазіцыю новага левага ўрада: Афіны скардзіліся камісару Магерыні на дэфіцыт кансультацый, а не на само рашэнне аб санкцыях.
«Цалкам ясна, што пытанне заключаецца не ў тым, ці пагодзіцца наш новы ўрад ці не з новымі санкцыямі супраць Расіі», — напісаў міністр, дадаўшы, што Афіны не хочуць, каб ЕС прымаў агульнае рашэнне без кансультацый з усімі членамі блока.
Грэцкае МЗС адмовілася ад каментароў.
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім19
Каментары