Птушка напала на 20 чалавек за апошнія некалькі тыдняў.
Агрэсіўны пугач увагнаў у страх жыхароў горада Пюрмерэнд на поўначы Галандыі. На працягу апошніх некалькіх тыдняў ён напаў больш, чым на 20 чалавек, паведамляе Associated Press. Некаторым з іх нават спатрэбілася шпіталізацыя.
Адна з ахвяраў апісала адчуванні ад нападу птушкі так: «Гэта як быццам табе ў галаву ўляцела цагліна, уторканыя цвікамі».
Жыхары напалоханыя, ім рэкамендуюць мець пры сабе парасон для абароны ў начны час.
Прадстаўніца інтэрната для інвалідаў, паблізу якога буяніць пугач, распавяла, што днём звычайна праблем няма, але калі цямнее, выходзіць на вуліцу без парасона, шлема або капелюша вельмі небяспечна.
«Праблема ў тым, што вы яго зусім не чуеце перад нападам. Кіпцюры вострыя, як брытва. Спадзяюся, гарадскія ўлады зловяць гэтую злашчасную птушку як мага хутчэй», — кажа жанчына.
Улады у сваю чаргу ўжо падалі прашэнне аб дазволе злавіць птушку, якая знаходзіцца ў статусе ахоўнага віду.
На думку спецыялістаў, раней пугача маглі ўтрымліваць у няволі, бо ў прыродзе гэтыя птушкі імкнуцца пазбягаць чалавека.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары