Аўтарам праекту Rublev.com ёсць былы генеральны прадзюсар тэлеканала «Дождь» Юрый Грымаў.
Праваслаўны праект Rublev.com аб’ядноўвае функцыі пошукавіка і сацыяльнай сеткі, але дадаваць сяброў на ім нельга, піша TJournal.
«Даўно хацеў, каб у сеткі быў зразумелы і зручны даведнік для вернікаў і тых, хто толькі пачынае свой шлях у свеце праваслаўнай веры», — патлумачыў Грымаў. Паводле яго слоў, назва сайта адсылае да мастака Андрэя Рублёва.
На момант публікацыі «праваслаўная сацсетка» недасяжная.
Знешне галоўная старонка праекту нагадвае «Яндэкс». Праект не толькі распавядае пра веру і рэлігію, але і здольны даць адказ на папулярныя ў інтэрнэце запыты. Напрыклад, на запыт «порна» сайт накіруе на старонку, прысвечаную запаведзі «Не пралюбадзей», у адказ на «сэкс» распавядзе пра парок жарсці.
Таксама сайт публікуе навіны і інтэрв’ю, прапануе блогі вернікаў, мае каталогі рэлігійных устаноў і святаў, дазваляе ствараць віншавальныя паштоўкі. Платных паслуг на сайце няма.
Праект па задуме стваральнікаў не ёсць заменай папулярным сацсеткам.
Асобны сайт створаны праз павольную мадэрацыю каментароў на іншых сэрвісах — на ўласнай старонцы, на думку Грымава, можна абараніць вернікаў ад нападак віртуальных хуліганаў.
Аўтары праекту збіраюць грошы і на мабільную праграму.
Каментары