4 сакавіка ў Гомельскім абласным судзе вынесены прыгавор мясцоваму 30-гадоваму жыхару, які абвінавачваўся ў забойстве бацькі, інваліда другой групы.
Як паведамілі у прэс-службе аблсуда, абвінавачваны прыгавораны да 17 гадоў пазбаўлення волі ва ўмовах папраўчай калоніі строгага рэжыму.
Злачынства было ўчынена 15 ліпеня 2014 года. Малады мужчына, раней пяць разоў судзімы, у тым ліку за рабаванне і разбой, у ходзе чарговага канфлікту з бацькам 1959 года нараджэння нанёс яму траўмы рукамі, нагамі і крэслам. Пацярпелы памёр. На судзе абвінавачваны патлумачыў, што канфлікты з бацькам узнікалі з-за таго, што пажылы чалавек рэгулярна ўжываў спіртное, і гэта засмучала сына.
Прыгавор пакуль не набыў законную моц, можа быць абскарджаны і апратэставаны.
Цяпер чытаюць
Дрон прыляцеў у пасажырскі аўтобус на мяжы Расіі і Беларусі14
Каментары