Фатограф выпадкова знішчыў адну з самых маленькіх скульптур свету
Свет страціў два «Даверы»: мікраскапічную скульптуру і давер да фатографа.
Скульптуру «Давер», меншую за таўшчыню чалавечага воласа, знішчыў неасцярожны фатограф, распавядае The Daily Mail.
Аўтар скульптуры Джонці Гурвіц хацеў сфатаграфаваць скульптуру ў лабараторыі. Падчас здымкі тэхнік вырашыў пальцам павярнуць скульптуру. Але тая згубілася. Пасля паўгадзіны пошукаў праз аб’ектыў мікраскопа аўтар заўважыў на месцы твору адбітак пальца.
«Мужык, ты толькі што знішчыў адзін з найменшых мастацкіх твораў, што быў калісьці зроблены», — прыгадвае мастак свае словы пасля здарэння.
Скульптура мела памер каля 80 на 100 мікрон.
Гурвіц працаваў над скульптурай каля года. Для стварэння падобных твораў ён спачатку здымае фотамадэль на адмысловы комплекс камер, затым на 3D-прынтары раздрукоўвае «трохвымяровы здымак», з якога робіць мікраскапічныя скульптуры праз працэс нанафарбавання.
Каментары