Былы кіраўнік баевікоў «ДНР» Ігар Гіркін, вядомы пад мянушкай «Стралкоў», даў інтэрв'ю, у якім прызнаў, што спроба далучыць Данбас не ўдалася. Адказнасць за гэта ён усклаў на мясцовыя эліты. Іншую прычыну ён бачыць у нерашучасці Крамля.
Гіркін прызнаў, што ў Данбасе не знайшлося яскравых, талковых лідараў, якія б узначалілі сепаратысцкі рух. Жыхары рэгіёна не паверылі тым мясцовым важакам, што спрабавалі ўзначаліць так званыя «Данецкую і Луганскую Народныя Рэспублікі». І цяпер, бачачы хаос і развал эканомікі Данбаса, нават рускія жыхары Украіны выступаюць супраць паўтору данбаскіх падзей у іх рэгіёнах, сказаў Гіркін.
Гіркін кажа, што расчараванне выклікаў таксама той факт, што Расія аказалася не гатовай адкрыта прыняць Данбас у свой склад.
Цяперашняе кіраўніцтва «ДНР» і «ЛНР» Гіркін назваў «дачаснікамі». У рэспубліках дагэтуль не сфармаваная дзеяздольная ўлада, сказаў ён.
«Крамлёўскія чыноўнікі разглядаюць рэгіён як разменную карту, фішку, якую можна змахнуць са стала, — кажа Гіркін. — Гэта выклікае хістанні, няўстойлівасць і нават дэмаралізацыю», — заявіў ён.
Цяпер чытаюць
«Яна забрала дзяцей і вярнулася ў Мінск»: гісторыя беларуса, які эміграваў у Барселону з сям'ёй, а застаўся адзін14
Каментары