Улады Грэцыі заявілі, што Германія вінна ім амаль 279 млрд еўра ў якасці рэпарацый за нацысцкую акупацыю падчас Другой сусветнай вайны.
AFP
Афіны назвалі гэту суму пасля правядзення афіцыйных падлікаў, аднак Берлін сцвярджае, што гэта пытанне было юрыдычна ўлагоджана шмат гадоў таму.
Назіральнікі тлумачаць цяперашнія фінансавыя прэтэнзіі леварадыкальнага ўрада Грэцыі набліжэннем тэрміну велізарных плацяжоў па крэдытах.
Пытанне аб кампенсацыях было ўпершыню ўзнята прэм'ер-міністрам Грэцыі Алексісам Цыпрасам падчас яго візіту ў Берлін у сакавіку.
У суму, якую Грэцыя хоча атрымаць ад урада Ангелы Меркель, уваходзіць пазыка ў 103 млрд еўра ў пераліку на сённяшні курс. Гаворка ідзе пра пазыку, якую Банк Грэцыі прадаставіў нацысцкай Германіі пад ціскам з Берліна.
«Па нашых падліках, доўг Германіі па рэпарацыях складае 278,7 млрд еўра», — заявіў намеснік міністра фінансаў Грэцыі Дзімітрыс Мардас парламенцкай камісіі, на якую ўскладзена задача па рашэнні пазыковага крызісу краіны.
У 1960 г. Берлін выплаціў Афінам у якасці кампенсацыі 115 млн нямецкіх марак. Аднак, на думку Афінаў, гэтая сума не пакрывае шкоды, прычыненай інфраструктуры Грэцыі, вайсковыя злачынствы і выдадзеную пад ціскам пазыку.
Берлін настойвае на тым, што пытанне аб ваенных рэпарацыях было вырашана юрыдычна і палітычна ў 1990 годзе, напярэдадні аб'яднання Германіі.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары