«Мадура амерыканцы вывезлі з Венесуэлы таксама ў межах крымінальнай справы»
Той факт, што Лукашэнка адправіў сваю прэс-сакратарку Наталлю Эйсмант паведаміць расійскаму агенцтву «РИА Новости», што такая перспектыва яго «мала хвалюе», сведчыць пра тое, што ў Мінску такім развіццём падзей вельмі занепакоеныя, лічыць палітычны аналітык Аляксандр Фрыдман.
Вопыт паказвае, што Эйсмант аператыўна звязваецца з «РИА Новости» менавіта тады, калі ўладам Беларусі неабходна на штосьці адрэагаваць — і адрэагаваць тэрмінова, не чакаючы з’яўлення Лукашэнкі на публіцы.
Версія пра тое, што крымінальная справа ва Украіне можа перашкодзіць кантактам Вашынгтона і Мінска, не падаецца пераканаўчай. На Пуціна і Нетаньяху Міжнародным крымінальным судом выдадзеныя ордары на арышт, але гэта Трампу (і не толькі яму) ніякім чынам не замінае весці з імі справы. Што ўжо тут казаць пра крымінальную справу ва Украіне.
Больш імаверна, што крымінальная справа можа выкрасліць ненавіснага ўкраінскаму боку Лукашэнку з ліку ўдзельнікаў якіх-небудзь фарматаў мірных перамоў. І менавіта гэтую мэту можа ставіць перад сабой Кіеў.
Інтрыга, аднак, заключаецца не ў тым, ці будзе заведзена справа, а ў тым, ці будуць амерыканцы ў цяперашняй сітуацыі гэтаму перашкаджаць. А калі будуць, то што яны папросяць (запатрабуюць) у Лукашэнкі за «вырашэнне гэтай праблемы».
Ну і яшчэ адна рэч павінна непакоіць Лукашэнку. У Кіеве сёння настаў «час Буданава», з якім і звязваюць змены курсу ў адносінах да Беларусі.
Акрамя ўсяго іншага, Буданаў адчувае відавочную слабасць да рызыкоўных, спрэчных, але відовішчных спецаперацый у стылі ізраільскіх і амерыканскіх спецслужбаў. І так: Мадура амерыканцы вывезлі з Венесуэлы таксама ў межах крымінальнай справы.
«Нас гэта мала хвалюе». Эйсмант адказала, што думае пра крымінальную справу супраць Лукашэнкі
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі
Канец «міру» з Лукашэнкам: як адстаўка Ермака паўплывала на курс Украіны адносна Беларусі
Каментары
Мадуру Трамп выкрадаў ужо дамовіўшыся за яго спіной з віцэпрэзідэнткай. Проста выкрасці ці забіць Лукашэнку без распрацаванага плана, купленых сілавікоў і - гэта аддацца Расеі