Гарадзенскі абласны суд адхіліў скаргу актывіста Руху «За Свабоду» Алеся Зарамбюка і пакінуў бязь зменаў пастанову суда Мастоўскага раёну ад 29 сьнежня 2007 г. Паводле судзьдзі А.Козел, актывіст вінаваты і павінен выплаціць дзяржаве больш за паўмільёна рублёў.
Нагадаем, актывіст Руху «За Свабоду» Алесь Зарамбюк быў асуджаны судом Мастоўскага раёну Гродзенскай вобласці да выплаты штрафу ў памеры 15 базавых адзінак (525 тысяч рублёў) «за парушэнне устаноўленага парадку правядзення сходаў». Актывіста зьвінавацілі ў арганізацыі сустрэчы Аляксандра Мілінкевіча з жыхарамі горада Масты.
Сам Алесь Зарамбюк лічыць рашэнне Гродзенскага абласнога суда не больш чым адпіскай.
‑ Суддзя у сваёй пастанове не прывёў ніякіх доказаў маёй віны, а напрасткі спаслаўся на сведчанні супрацоўнікаў Мастоўскага РАУС Трубенка В.Н, Самошкіна Е.А, Данільчыка А.Е а таксама рапарт участковага інспектара Вінаград І.В., — адзначыў актывіст у інтэрв’ю Радыё Рацыя
Цяпер Алесь Зарамбюк рыхтую скаргу Вярхоўны Суд РБ.
‑ Я лічу, што гэта сфабрыкаваная справа і буду абскарджваць прысуд у Вярхоўным судзе РБ, — заявіў А.Зарамбюк
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя10
Каментары