Казахстан выключае ўвядзенне адзінай наднацыянальнай валюты ў рамках ЕАЭС. Як растлумачыў віцэ-міністр нацыянальнай эканомікі РК Цімур Жаксылыкаў на брыфінгу, гэтае пытанне не абмяркоўваецца, паведамляе tengrinews.kz.
«Адна з актуальных тэм сёння ў інфармацыйнай прасторы — валютна-фінансавае супрацоўніцтва Казахстана з краінамі ЕАЭС. Хацелася б адзначыць, што Казахстан займае выразную і паслядоўную пазіцыю па выключэнні магчымасці ўвядзення адзінай наднацыянальнай валюты ў рамках ЕАЭС. Гэтыя пытанні мы не абмяркоўваем. У палажэнні па фарміраванні валютнага саюза аб стварэнні адзінай наднацыянальнай валюты ў дамовах аб ЕАЭС не прадугледжана, і такой работы праводзіцца не будзе», — падкрэсліў Жаксылыкаў.
«Пры гэтым у рамках ЕАЭС да 2025 года мы маем намер выпрацаваць толькі гарманізацыю заканадаўства ў галіне рэгулявання фінансавых рынкаў», — дадаў спікер.
Раней, 20 сакавіка, прэзідэнт Расіі Уладзімір Пуцін выказаў меркаванне, што настаў час паразмаўляць аб фарміраванні валютнага саюза. Ён заявіў, што ўжо «дамовіўся з партнёрамі працягнуць каардынацыю ў манетарнай палітыцы». Пра гэта ён паведаміў, падводзячы вынікі трохбаковай сустрэчы прэзідэнтаў Казахстана, Расіі і Беларусі ў Астане 20 сакавіка 2015 года. Кіраўнік Расіі тады дадаў, што «працуючы плячо ў плячо, будзе прасцей рэагаваць на знешнія фінансавыя і эканамічныя пагрозы, абараняць сумесны рынак».
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары