Такім чынам Японія стане чацвёртай пасля ЗША, СССР і Кітая краінай, што датыкалася да Месяца.
У красавіку 2018 года Янонскае касмічнае агенцтва JAXA запусціць на Месяц беспілотны зонд SLIM (Smart Lander for Investigating Moon), паведамляе CNN.
Адна з асноўных мэтаў місіі — адпрацаваць мяккую пасадку, каб у будучыні накіраваць чалавека на Месяц ці нават Марс.
Апарат будзе запушчаны японскай ракетай Epsilon, што працуе на цвёрдым паліве. Пасадачны модуль будзе выкарыстоўваць лічбавыя камеры з сістэмай распазнавання твараў, адаптаванай для распазнавання паверхні. Праграма ацэньваецца ў 83-125 млн даляраў.
У 2008 годзе Японія ўжо запускала беспілотны апарат SELENE на арбіту Месяца для збору інфармацыі аб паверхні спадарожніка Зямлі. Таксама JAXA запускала апарат да астэроіда ў 2010 годзе. Сёння Японія спрабуе не саступіць у касмічнай гонцы сваім суседзям, Кітаю і Індыі, якія таксама маюць планы па засваенні Месяца і Марса.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары