Польска‑ўкраінскі памежны пераход Грэбэннэ — Рава Руска зноў заблякаваны. За блякаду адказныя жыхары памежных мясцовасьцяў на ўкраінскім боку. Яны патрабуюць як мага хутчэйшага падпісаньня дамовы аб малым памежным руху.
Амаль сто чалавек не пускае ў напрамку мяжы ніводнага аўтамабіля. Украінцы зазначаюць, што ў Кіеве абяцалі падпісаць дамову з Польшчаю яшчэ да канца студзеня. Удзельнікі акцыі стварылі адмысловы страйкавы камітэт і пагражаюць, што на будучым тыдні пашыраць пратэст на ўсе польска‑ўкраінскія памежныя пераходы.
У сваю чаргу міністар замежных спраў Украіны Ўладзімер Агрызка паведаміў, што дамова аб памежным руху можа быць падпісаная на наступным тыдні. Згаданая дамова дасьць жыхарам памежнай зоны льготы ў атрыманьні польскай візы. Галоўнае пытаньне, якое застаецца не вырашаным, гэта вызначэньне памежнай зоны, якую будзе ахопліваць дамова. Кіеў хоча, каб гэта была 50‑кілямэтровая, а не 30‑кілямэтровая зона.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай92
Каментары