Усплёскі заказаў піцы каля Пентагона маглі сведчыць пра будучую атаку на Іран
Некаторыя карыстальнікі ў X упэўнены, што па ваганнях заказаў у піцэрыях побач з Пентагонам можна было здагадацца пра будучую атаку Ізраіля на Іран.
Сутнасць тэорыі ў тым, што калі наспявае міжнародны крызіс, многім супрацоўнікам Пентагона даводзіцца заставацца да позняй ночы — і тады яны замаўляюць піцу, піша Bild.
Прыкладна за гадзіну да першых выбухаў у Тэгеране акаўнт Pentagon Pizza Report у X зафіксаваў незвычайны ўсплёск заказаў ежы вакол Міністэрства абароны ЗША.
«З 18:59 амаль усе піцэрыі побач з Пентагонам зафіксавалі рэзкае павелічэнне актыўнасці», — напісалі аўтары назірання ў той вечар.
Нават бар, што знаходзіцца побач, быў незвычайна пусты — яшчэ адна ўскосная прыкмета таго, што ў міністэрстве праходзіла напружаная ноч.
Падобнае ўжо здаралася раней: падчас ізраільскай атакі на Іран летась, а таксама перад уварваннем ЗША ў Панаму ў 1989 годзе і пачаткам вайны ў Іраку ў 1991 годзе назіраўся прыкметны рост заказаў ежы ў раёне Пентагона, як сцвярджаюць розныя крыніцы.
У самім Пентагоне ёсць фастфуд, але няма піцэрыі. А калі ўсё тэрмінова — замаўляюць менавіта піцу, тлумачыць гастранамічная платформа The Takeout.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары
У той жа час і небяспечны прыклад. Як цяжка нешта цалкам схаваць у сучасным свеце.
Хутка - смачна