Падчас ізраільскай атакі на Іран забілі камандзіра спецпадраздзялення «Кудс»
У Іране сярод іншых военачальнікаў падчас сённяшняй ізраільскай атакі быў забіты Ісмаіл Каані — камандзір спецпадраздзялення «Кудс», паведамляе The New York Times са спасылкай на іранскія крыніцы.
Ісмаіл Каані ўзначаліў спецпадраздзяленне пасля таго, як быў забіты генерал Касем Сулеймані ў 2020 годзе ў выніку ўдару амерыканскага дрона ў аэрапорце Багдада.
Сілы «Кудс» — гэта элітнае знешнеаперацыйнае падраздзяленне Корпуса вартавых ісламскай рэвалюцыі (КСІР) Ірана, галоўны інструмент экспарту іранскага ўплыву і шыіцкай ідэалогіі ў рэгіёне. Найбольшую ролю сілы «Кудс» адыгралі ў Іраку і Сірыі.
Пасля ўварвання ЗША ў Ірак у 2003 годзе менавіта «Кудс» сталі ключавым фактарам у стварэнні іракскіх шыіцкіх апалчэнняў, якія з адной боку змагаліся супраць амерыканскай прысутнасці, а з другой — падтрымлівалі лаяльнасць Тэгерану ў Багдадзе.
У Сірыі пасля 2011 года «Кудс» сталі на бок Башара Асада, кіруючы афіцэрамі, забеспячэннем, а пазней арганізаваўшы масавы ўдзел замежных наймітаў — ад ліванскай «Хезбалы» да афганскага «Фатыміюну». Гэтыя дзеянні дазволілі Ірану захаваць стратэгічную прысутнасць у Леванце і стварыць «сухапутны калідор» ад Тэгерана да Міжземнага мора.
Вялікая ўвага надавалася таксама падтрымцы хусітаў у Емене. Апэрацыі «Кудс» уключалі пастаўкі ўзбраення, тэхналогій БПЛА і ракет, а таксама навучанне баевікоў. Гэтыя дзеянні аказвалі ціск на Эр-Рыяд і ЗША і дазвалялі Ірану дэманстраваць магчымасць уплываць на глабальную бяспеку.
Атака Ізраіля па Іране: усё, што вядома на гэты момант
Чым вядомы Хасейн Саламі — камандуючы, які загінуў падчас ізраільскага ўдару
Нетаньяху ўвёў Іран у зман з дапамогай вяселля, а Трамп — сваімі заявамі
Трамп: Незразумела, ці засталася ў Ірана ядзерная праграма
Ізраіль пачаў новую хвалю ўдараў па Іране
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе10
Каментары