Брытанскі палеантолаг Хаўер Артэга-Эрнандэс, даследаваў узоры закамянеласцяў мозгу самых старажытных членістаногіх істот і змог выявіць момант у эвалюцыі жывёл, калі ў іх пачала фармавацца галава. Вынікі даследавання былі апублікаваныя ў часопісе Current Biology.
Вывучыўшы скамянелыя рэшткі двух вымерлых членістаногіх — Helmetia expansa і Odaraia alata, навуковец змог высветліць, што ў гэтых дагістарычных істот некалькі элементаў экзашкілета, да якога мацуюцца мышцы, нагадваюць прымітыўныя сцябліністыя вочы і злучаюцца нервовымі валокнамі з пярэдняй часткай мозгу.
На думку палеантолага, гэта сведчыцьпра тое, што ў знойдзеных членістаногіх пачынала фармавацца галава, бо раней вядомыя продкі гэтых істот больш былі падобнымі да чарвякоў. У іх існавалі пярэдняя і задняя часткі цела, аднак усе яго структурныя адзінкі слаба адрозніваліся адна ад адной.
Артэга-Эрнандэс лічыць, што знойдзеныя закамянеласці, чый узрост налічвае каля 500 мільёнаў гадоў, не толькі дапамаглі ўдакладніць момант пачатку фарміравання галовы ў істот, але і паказваюць на першыя прыкметы з'яўлення цвёрдага экзашкілета ў членістаногіх і першага шкілета ў жывых арганізмаў наогул.
-
Кітайская кампанія прэзентавала першага поўнапамернага робата-гуманоіда, які адчувае дотык і бегае марафоны
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
Каментары