Vlastimil Vacek, Právo
Прэзідэнт Федэрацыі хакея Расіі Уладзіслаў Траццяк патлумачыў, чаму хакеісты з зборнай Расіі пакінулі лёд падчас выканання гімна Канады, якая стала чэмпіёнам свету. Словы Трацяка прыводзіць у панядзелак «Русская служба новостей».
«Гэта проста арганізацыйныя памылкі і нязладжанасць, тут няма ніякай непавагі. Мы вельмі паважаем пераможцаў: павіншавалі іх, паціснулі ім рукі», — патлумачыў ён.
Прэс-аташэ зборнай Расіі Ігар Ларын па-іншаму патлумачыў сыход хакеістаў з лёду. Яго словы прыводзіць «Советский спорт».
«Наколькі я разумею, у той момант арганізатары адкрылі калітку для таго, каб зборная Расіі магла выйсці з пляцоўкі», - сказаў Ларын.
Абаронца расійскай зборнай Дзмітрый Кулікоў у інтэрв'ю «Р-Спорту» паведаміў, што не ведае прычын узнікнення такой сітуацыі.
«Адна група хлопцаў стала сыходзіць з лёду, а іншая заставалася. Натуральна, што калі большасць хлопцаў лёд пакінулі, сышлі і ўсе астатнія. Асабіста я быў у групе, якая не хацела сыходзіць, бо думаў, што пасля канадскага гімна будзе гучаць і расійскі», — заявіў хакеіст.
***
18 мая ў Празе адбыўся фінальны матч чэмпіянату свету па хакеі. Расія саступіла Канадзе з лікам 1:6 і заваявала сярэбраныя медалі. У той час, як адбывалася ўзнагароджанне канадскіх хакеістаў і гучаў гімн Канады, расійскія хакеісты пакінулі лёд.
Спартыўны каментатар Дарэн Дрэгер у сваім твітэры пісаў, што форвард зборнай Расіі Аляксандр Авечкін заклікаў каманду застацца на лёдзе.
-
Латвійская тэнісістка будзе выступаць за Беларусь, у яе 808‑е месца ў рэйтынгу
-
«Мне здавалася, што жыццё заканчваецца, а ў яго ў 70 гадоў было поўна планаў». Чэмпіёнка свету па фрыстайле Раманоўская пра Казеку
-
Крысціна Ціманоўская і Марыя Жодзік здабылі медалі на чэмпіянаце Еўропы па лёгкай атлетыцы
Каментары