Сёньня ў мястэчку адкрываецца экспазыцыя сусьветна вядомага мастака.
Некалькі дзесяткаў рэпрадукцыяў карцін мастака разьмешчаныя ў двух залях Дзіцячага дому творчасьці. Як паведаміла Радыё Свабода мэтадыстка Сьвятлана Хасіневіч, адна з заляў прысьвечаная сьмілавіцкаму пэрыяду жыцьця і творчасьці мастака, другая — францускаму.
«Француская» заля аформленая ў стылі парыскай кавярні, дзе наведнікі змогуць выпіць кавы з філіжанак пазначаных надпісам «Прастора Суціна». Гэткім жа надпісам пазначаная іншая мэбля «кавярні».
На выставе зьмешчаныя таксама фотаздымкі ваколіцаў Сьмілавічаў, дзе колісь стаяў дом бацькоў Хаіма Суціна, біяграфічныя зьвесткі пра мастака і гісторыю Сьмілавічаў. Гэта першая сталая экспазыцыя на радзіме сусьветна‑вядомага мастака, якая зьявілася пры падтрымцы Нацыянальнага мастацкага музэю і ЮНЭСКА.
***
Хаім Суцін нарадзіўся ў Сьмілавічах у 1893 годзе, жывапісу вучыўся ў Менску і Вільні. З 1913 і да сьмерці ў 1943 годзе жыў у Парыжы. Сусьветна вядомы мастак, адзін са славутых майстроў нацюрморту. Ягоныя работы захоўваюцца ў прыватных калекцыях сям’і Чаплінаў, Шагалаў, Коппалаў.
-
У Музеі Вольнай Беларусі пакажуць 19 арыгінальных літаграфій Напалеона Орды
-
Цырульнік і пісьменнік Сяргей Календа: «Ёсць людзі, якія кажуць: «Пасля такой кнігі я б не пайшоў да вас стрыгчыся»
-
На дзяржаўным тэлебачанні прагучала «Купалінка» — яе выканаў сербскі іераманах, які шмат гадоў жыве ў Беларусі
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары