Цяпер сваякам памерлых даецца ад дзяржавы 6.574.900 рублёў
фота Сяргея Гудзіліна
Пастанова Саўміна №585 «Аб выплаце дапамогі і кампенсацыі выдаткаў на пахаванне», якое ўступіла ў сілу з 12 ліпеня, вызначае катэгорыі грамадзян, якім могуць быць выплачаныя гэтак званыя «пахавальныя». Дакумент быў апублікаваны ў пятніцу на нацыянальным прававым інтэрнэт-партале pravo.by.
Не зарэгістраваныя ў цэнтры занятасці беспрацоўныя і іх дзеці на выплату разлічваць не могуць. Не дадуць грошы на пахаванне і тым, хто ўносіў абавязковыя страхавыя ўзносы ў бюджэт менш за 10 гадоў.
Згодна з дакументам, за кошт бюджэту пакрыюць выдаткі на пахаванне толькі пэўным катэгорыям грамадзян. Разлічваць на «пахавальныя» могуць:
— грамадзяне, на якіх на дату смерці распаўсюджвалася дзяржаўнае сацыяльнае страхаванне. Яны самі або нехта за іх павінен быў ўносіць абавязковыя ўзносы ў бюджэт;
— грамадзяне, якія ўносілі абавязковыя страхавыя ўзносы ў бюджэт як мінімум 10 гадоў;
— пенсіянеры, якія атрымлівалі пенсію за кошт бюджэту;
— беспрацоўныя, якія афіцыйна зарэгістраваныя ў цэнтры занятасці;
— непаўналетнія дзеці вышэйпералічаных катэгорый беларусаў і студэнты ва ўзросце да 23 гадоў.
Дапамога на пахаванне ў чэрвені была роўная 6.574.900 рублям.
Каментары