Дацэнт — вандалы — пустэча — помста — Трус-Балбес-Бывалы: ФОТАгісторыя адной сцяны
RED?
У канцы мая ў на трансфарматарнай будцы ля дамоў на вуліцы Смаленскай у Віцебску з’явілася графіці з Яўгенам Лявонавым у ролі Дацэнта з «Джэнтэльменаў удачы». Яго стварыла мясцовая стрыт-арт-каманда HoodGraff, што раней малявала на сценах горада партрэты Боба Марлі, Стыва Джобса, Юрыя Гагарына, Аляксандра Пушкіна і іншых.
Праз месяц вандалы запэцкалі графіці фарбай. Прычыны гэтага засталіся невядомымі.
Графіці адмылі…
… але вандалы зноў замазалі яго фарбай.
І зноў.
У рэшце рэшт супрацоўнікі Віцебскіх электрычных сетак проста зафарбавалі графіці.
Мастак адказаў на гэта цытатай Лявонава.
А пазней на сцяне з’явіліся партрэты іншых герояў класікі савецкага кіно: Балбеса, Бывалага і Труса з «Каўказскай палонніцы». Подпіс ужо іншы — такі самы, як на партрэце Марка Шагала ў іншым двары горада.
Інтэрнаўты на форумах ужо параўноўваюць лёс сцяны з заакіянскай гісторыяй надпісу «RED». Які лёс чакае новыя партрэты?
***
У Мінску спроба віцебскіх мастакоў стварыць вулічны партрэт Васіля Быкава не была даведзеная да канца — незавершаную працу зафарбавалі, аўтараў жа аштрафавалі на 18 мільёнаў рублёў.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары