Назіральнікі спецыяльнай маніторынгавай місіі АБСЕ зафіксавалі прысутнасць расійскіх вайскоўцаў у месцы захоўвання адведзенага цяжкага ўзбраення баевікоў «ДНР».
Пра гэта гаворыцца ў справаздачы місіі.
«Узброены чалавек, які ахоўваў адно з месцаў захоўвання цяжкага ўзбраення» ДНР», сцвярджае, што ён і іншыя, прысутныя на лакацыі, прадстаўляюць 16-ю паветрана-дэсантную брыгаду з Арэнбурга, Расійская Федэрацыя», — гаворыцца ў справаздачы.
Пры гэтым адзначаецца, што на форме гэтых вайскоўцаў не было ніякіх знакаў адрознення.
Таксама ў справаздачы гаворыцца, што ў асобных месцах дыслакацыі як на баку «ДНР», так і ўкраінскіх сіл бракавала па некалькі адзінак артылерыйскага ўзбраення.
Акрамя таго, у справаздачы гаворыцца, што сітуацыя ў раёне Данецкага аэрапорта застаецца напружанай. Прадстаўнікі місіі зафіксавалі 140 выбухаў.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары