Федэрацыя хакея Расіі аштрафаваная на 80 тысяч швейцарскіх франкаў (83,5 тыс. даляраў) за сыход нацыянальнай каманды з лёду падчас цырымоніі ўзнагароджання залатымі медалямі каманды Канады пасля фінальнага матчу чэмпіянату свету 2015 у Празе.
17 мая пасля матчу, які скончыўся паразай расіян з лікам 1:6, большая частка расійскай каманды накіравалася ў распранальню, не чакаючы цырымоніі ўзнагароджання пераможцаў чэмпіянату.
На лёдзе ў момант выканання гімна Канады засталіся толькі некалькі расійскіх хакеістаў, у тым ліку Аляксандр Авечкін, Яўген Малкін, Віктар Ціханаў і Дзмітрый Кулікоў.
Федэрацыя хакея Расіі ўсклала адказнасць за інцыдэнт на галоўнага трэнера нацыянальнай каманды Алега Знарка і былога генеральнага менеджара зборнай Расіі Андрэя Сафронава.
Прэзідэнт Федэрацыі хакея Расіі Уладзіслаў Траццяк тады падкрэсліваў, што хакеісты не спрабавалі выказаць непавагу да канадскага гімна і адразу пасля матчу паціснулі супернікам рукі, павіншаваўшы іх з перамогай.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары72
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць2828
Каментары