На плошчы Якуба Коласа пачынаюць будаваць пяцізоркавы гатэль ФОТАФАКТ
З 2011 года, калі паліграфічны камбінат па адрасе Чырвоная, 23 аб'яднаўся з Мінскай фабрыкай каляровага друку, вялікае памяшканне ў цэнтры Мінска было выстаўлена на продаж.
Цягам двух гадоў уладальнікі не маглі прадаць будынак, магчыма з-за яго кошту — 407,2 млрд рублёў. Але ўжо ў 2013 годзе стала вядома, што паміж Мінгарвыканкамам і сеткай гатэляў і казіно «Мінск Прынцэс Гатэль» (уладальнік — турэцкая кампанія Princess International) была заключана дамова аб набыцці вялікай плошчы.
На сайце кампаніі пакуль нічога не паведамляецца. Але як бачна на фота, аб’ект будзе здадзены ў маі 2019 года.
Заяўляецца, што новы гатэль будзе пяцізоркавым. На сёння, дарэчы, у Мінску толькі чатыры супердарагіх, пяцізоркавых гатэляў — «Еўропа», «Пекін», «Краўн Плаза» і «Прэзідэнт-гатэль».
Гасцінічны комплекс будзе ўключаць у сябе 207 двухмесных, 8 чатырохмясцовых, 35 двухмесных двухузроўневых нумароў, паркінг на 300 машынамесцаў, кіназалу, дзіцячую гульнявую зону, фуд-корты, клуб і, канешне, казіно.
Не ўсе жыхары бліжэйшых дамоў згодныя з такім рашэннем, таму да 9 верасня пройдуць грамадскія слуханні.
Каментары